منتديا رؤيا نت
انت غير مسجل لدينا نرجو منك التسجيل في المنتدى ومشاركتك في منتدانا

انصار الحسين عليهم السلام

اذهب الى الأسفل

انصار الحسين عليهم السلام

مُساهمة من طرف ابو ايمان المجراوي في الأحد ديسمبر 20, 2009 4:34 am


وسط الگلب والعين ** يلّي نصّرتو حسين
الكم ذكر موجود ** يهل الكرم والجود
*****************
يا اصحاب الروح الطيبه والكرم منكم عنوانه
رمز العزه ورمز النخوه والايمان انتم ايمانه
بيكم دين الخالق يفخر وانتو العلّيتو بُنيانه
ضحيتو الروح ورخّصتو كل غالي النصرت مولانه
ظحّيتو بالارواح والوالي بيكم صاح
وفّيتو والله وزود يهل الكرم والجود
*******
موقفكم ذاك بيوم الطف ما ننساه وهاي اسنين
والوگفه الي سجلتوها بالتاريخ اتسر العين
والروح الي رخّصتوها لجل الدين ولجل حسين
وشنذكر منكم يا ساده وانتم اصبحتو بعليين
نخوه وشهامه وباس بيكم يرفعة راس
حبكم يضل ويزود يهل الكرم والجود
*******
بيكم ارض الطف افتخرت وبيكم يتباها الاسلام
وفيتو والله وكفيتو يهل السخاء والاكرام
ناصرتو لحسين الوالي وردعتو افلول الضلام
من دمكم روّيتو المذهب وبالثوره سرتو بأقدام
بيكم كمل هالدين والشيعه مفتخرين
بيكم ينعمه جنود يهل الكرم والجود
*********
شجعان انتم والحق يذكر والتاريخ ايضل شاهد
ماتخفه الاخبار بصحفه تاريخ الاسلام الخالد
انتم مبدأ وانتم ثوره يا رموزالجيل الصاعد
والعد يخطأ لو عدّينه الفضل البيكم متواجد
بيكم وصفنه ايحير ويخونه التعبير
انتم بلايه حدود يهل الكرم والجود
********
احرار وكل قطره بدمكم أتأيد انتم احرار
من شفتو الموت وما هبتو اخترتو الموت ولا العار
يعجز تعبيره الي يعبر عنكم وتشح الاشعار
لو راد يوصف من عدكم واحد يا افضل انصار
انتم على الانصار فقتو برضه الجبار
عنكم رضّه المعبود يهل الكرم والجود

ابو ايمان

ابو ايمان المجراوي
مشرف منتدى الشعر الشعبي

ذكر
عدد المساهمات : 92
العمر : 45
البلد : العراق
المزاج :
السٌّمعَة : 0
نقاط : 21
تاريخ التسجيل : 02/08/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى